Lupço Palevski – Palço i cili është i dyshuari i parë për rrëmbimin dhe vrasjen e 14 vjeçares Vanja Gjorçevska dhe Pançe Zhezhovskit në Maqedoninë e Veriut është arrestuar nga policia.
Palevski është arrestuar në Turqi, ndërkohë që Ministria e Brendshme e Maqedonisë së Veriut ka paralajmëruar konferencë për media për në orën 22:30.
Gjithashtu është arrestuar edhe një 46-vjeçar nga Shkupi, i cili sipas prokurorisë e ka transportuar Palevskin përmes Bullgarisë për në Turqi, duke e ndihmuar kështu të arratiset nga vendi.
Sonte në Gjykatën Penale janë çuar edhe të dyshuarit e tjerë, ku gjyqtari i procedurës paraprake do të vendosë për propozimin e prokurorisë për vazhdimin e masës së paraburgimit.
Kujtojmë se dhe babai i vajzës së mitur ndodhet në paraburgim, pasi dyshohet i implikuar në ngjarje, duke i dhënëinformacione autorit për lëvizjet e 14-vjeçares.
The post Rrëmbimi dhe vrasja e 14-vjeçares në Maqedoninë e Veriut, arrestohet autori kryesor i dyshuar appeared first on Gazeta Standard Online.